Algengt er að félagasamtök og sjálfseignarstofnanir sem sem starfa í almannaþágu geri þjónustusamninga við stjórnvöld. Á vef stjórnarráðsins er gagnleg handbók um gerð þjónustusamninga þar sem farið er ferlið frá undirbúningi samnings þar til samningstíminn rennur út. Reykjavíkurborg hefur einnig gefið út leiðbeiningar í formi Styrkjahandbókar þar sem farið er yfir afgreiðslu, eftirfylgni og meðferð styrkja og þjónustusamninga.
Á morgun fer fram hádegisfundur Almannaheilla, samtaka þriðja geirans og Vaxandi þar sem umfjöllunarefnið er; Samningar í þriðja geiranum – skipulögð framtíð. Þóra Þórarinsdóttir, framkvæmdastjóri Áss styrktarfélags, mun fjalla um gerð þjónustusamninga hjá almannaheillasamtökum. Þóra hefur víðtæka reynslu í þriðja geiranum en starfsemi þriðja geirans er án hagnaðarvonar.
Viðburður fer fram á Zoom. Frekari upplýsingar á Facebook.
